وزیر اعظم کے مشیر برائے احتساب و داخلہ مصدق عباسی نے اپنے اثاثے ظاہر کر دیئے

تفصیلات کے مطابق  زیر اعظم کے مشیر برائے احتساب و داخلہ مصدق عباسی نے اپنے اثاثے ظاہر کر دیئے ہیں ،  بریگیڈئیر (ر) مصدق عباسی 8 کروڑ 87 لاکھ روپے کے اثاثوں کے مالک ہیں، مصدق عباسی نے 3 کروڑ 50 لکاکھ کے پلاٹ، ڈیڑھ کروڑ روپے کا فلیٹ ظاہر کیا ہے، مصدق عباسی نے مختلف شعبوں میں 57 لاکھ کی سرمایہ کاری کر رکھی ہے،  مصدق عباسی نے بیٹے کو 2 کروڑ 20 لاکھ روپے کاروبار کیلئے دیئے۔

کابینہ ڈویژن  کی جانب سے جاری کردہ تفصیلات کے مطابق   مشیر برائے احتساب نے 40 لاکھ روپے مالیت کی دو گاڑیاں ظاہر کیں،  مصدق عباسی نے اپنے اثاثوں میں 20 تولے کے زیورات ظاہر کئے،  مصدق عباسی کے اکاونٹ میں 55 لاکھ روپے کی رقم موجود ہے۔ مشیر برائے احتساب کے ذمے کوئی واجبات نہیں ہیں جبکہ  انکے پاس کسی اور ملک کی شہریت بھی نہیں ہے۔