چین میں سرمائی اولمپیکس کی افتتاحی تقریب کا آغاز، وزیر اعظم تقریب میں پہنچ گئے

تفصیلات کے مطابق  چین میں سرمائی اولمپیکس کی افتتاحی تقریب کا آغاز ہوگیا ہے، وزیراعظم عمران خان سرمائی اولمپکس کی تقریب میں پہنچ گئے ہیں ۔ وفاقی وزیر اطلاعات چوہدری فواد حسین کی وزیراعظم عمران خان کے ہمراہ سرمائی اولمپیکس کی افتتاحی تقریب میں شرکت،  وزیر خارجہ شاہ محمود قریشی اور وفاقی وزیر اسد عمر بھی اس موقع پر موجود ہیں۔

چین پہلی سرمائی اولمپیکس کی میزبانی کر رہا ہے، ونٹر اولمپیکس میں مقالبے 4 سے 20 فروری تک جاری رہیں گے۔91 ممالک کے 2800 سے زائد  اتھلیٹس حصہ لے رہے ہیں ۔ سرمائی اولمپکس میں 1581 مرد اور 1290 خواتین کھلاڑی حصہ لے رہے ہیں۔سرمائی اولمپکس میں 7 کھیلوں کے 109 ایونٹ کھیلے جائیں گے۔ اولمپکس میں پاکستان کا ایک اتھلیٹ محمد کریم الپائن سکیینگ میں حصہ لے رہا ہے۔