وزیر اعظم کی چین کے معروف تھنک ٹینکس، یونیورسٹیوں اور پاکستان اسٹڈی سینٹرز کے سربراہان اور نمائندوں  سے ملاقات

تفصیلات کے مطابق  وزیر اعظم عمران خان نے چین کے معروف تھنک ٹینکس، یونیورسٹیوں اور پاکستان اسٹڈی سینٹرز کے سربراہان اور نمائندوں کے ساتھ ملاقات کی۔ وزیراعظم نے پاک چین تعلقات کی اہمیت اور علاقائی استحکام اور خوشحالی کو یقینی بنانے پر زور دیا۔

وزیراعظم نے کثیر الجہتی فورمز پر چین پاکستان مشترکہ پوزیشن کو اجاگر کیا اور ون چائنا پالیسی اور بنیادی مفادات کے دیگر امور پر پاکستان کے پختہ عزم کا اعادہ کیا۔

وزیر اعظم نے جموں و کشمیر کے تنازع پر چین کی حمایت پر  شکریہ ادا کیا، وزیراعظم نے علاقائی استحکام اور خوشحالی کو یقینی بنانے میں پاک چین تعلقات کی اہمیت پر زور دیا۔ وزیراعظم نے  چینی صدر شی جن پنگ کے بیلٹ اینڈ روڈ کے اقدام کے  اہم منصوبے کے طور پر سی پیک کی اہمیت کو اجاگر کیا۔

اجلاس میں وزیر خارجہ مخدوم شاہ محمود قریشی، وزیر خزانہ شوکت فیاض ترین، وزیر اطلاعات چوہدری فواد حسین، وزیر منصوبہ بندی اسد عمر، مشیر تجارت عبدالرزاق داؤد، ایس اے پی ایم برائے سی پیک امور خالد منصور، قومی سلامتی کے مشیر ڈاکٹر معید یوسف نے شرکت کی اور اعلیٰ حکام نے شرکت کی۔