تفریحی سرگرمیوں سے متعلق این سی او سی کا بڑا فیصلہ

ذرائع کے مطابق  این سی او سی نے نیشنل ہارس اینڈ کیٹل شو کے انعقاد کی اجازت دیدی ہے، این سی او سی نے وفاق اور پنجاب حکومت کو مراسلہ ارسال کر دیا، نیشنل ہارس اینڈ کیٹل شو 10 تا 12 مارچ کو لاہور میں منعقد ہو گا۔

مراسلے میں کہا گیا ہے کہ  نیشنل ہارس اینڈ کیٹل شو میں سو فیصد شائقین کو آنے کی اجازت ہو گی، مکمل ویکسینیٹڈ افراد نیشنل ہارس و کیٹل شو میں شرکت کر سکیں گے، 12 سال سے کم عمر غیر ویکسین شدہ بچے ہارس کیٹل شو میں شرکت کر سکیں گے۔

دوسری جانب  این سی او سی نے پی ایس ایل کے حوالے سے صوبوں،  پی سی بی کو مراسلہ جاری کردیا ہے، این سی او سی نے سٹیڈیم میں شائقین کی تعداد بڑھانے کا تحریری اجازت دیدی۔

مراسلہ میں کہا گیا ہے کہ  پی ایس ایل کے لاہور میچز 50 فیصد شائقین سٹیڈیم میں دیکھ سکیں گے، 10 تا 15 فروری کے دوران میچز میں 50 فیصد شائقین سٹیڈیم آ سکیں گے،جبکہ  16 تا 27 فروری کے دوران میچز میں 100 فیصد شائقین سٹیڈیم آ سکیں گے، کرکٹ سٹیڈیم میں میچز دیکھنے کیلئے مکمل ویکسینیشن لازم ہو گی، مکمل ویکسینیٹڈ افراد کو سٹیڈیم میں میچ دیکھنے کی اجازت ہو گی۔

 مراسلہ کے مطابق  تمام عمر کے افراد کو سٹیڈیم میں پی ایس ایل میچ دیکھنے کی اجازت ہو گی،12 سال سے کم عمر بچے سٹیڈیم میں پی ایس ایل میچز دیکھ سکیں گے،  پی سی بی ویکسینیٹڈ افراد کو ٹکٹ کے اجراء کیلئے میکنزم تیار کرے گا، پی سی بی پی ایس ایل میچز کے سیکورٹی انتظامات کی زمہ دار ہو گی،  پی سی بی کرکٹ گراؤنڈ میں ایس او پیز پر عملدرآمد کی زمہ دار ہو گی،  کرکٹ سٹیڈیم میں تماشائیوں کیلئے ماسک، سماجی فاصلہ رکھنا لازم ہو گا۔