حکومت سے  جلد نجات دلانے کے لئے تمام آئینی، پارلیمانی اور سیاسی اقدامات  کیےجائیں، سی ای سی اعلامیہ

تفصیلات کے مطابق  مسلم ن لیگ  نے سی ای سی اجلاس کا  اعلامیہ جاری کردیا ہے۔شرکا نے اتفاق کیا ہے کہ  سنگین صورتحال کے پیش نظر موجودہ حکومت کو مزید وقت نہ دیا جائے. شرکا  نے  محمد نوازشریف پر مکمل اعتماد کا اظہار کیا۔   شرکا  نے پی ڈی ایم کے لانگ مارچ کی مکمل حمایت شرکت کا فیصلہ کیا۔

اعلامیہ میں کہا گیا ہے کہ  حکومت سے  جلد نجات دلانے کے لئے تمام آئینی، پارلیمانی اور سیاسی اقدامات  کی جائیں،  شہبازشریف دیگر سیاسی جماعتوں کے ساتھ رابطوں اور مشاورت کا عمل تیزکریں، قومی سطح پر قومی اتفاق رائے پر مبنی ایک لائحہ عمل تشکیل پائے۔

اعلامیہ میں کہا گیا ہے کہ  شہبا زشریف مولانا فضل الرحمن اور دیگر راہنماوں  سے رابط کریں،  مشاورت کے ساتھ پی ڈی ایم کا جلد  اجلاس بلانے کی درخواست  کی جائے، پی ڈی ایم کے فلور سے متفقہ اور مشترکہ فیصلوں کی روشنی میں آگے بڑھا جا ئے۔