محکمہ مو سمیات کی بارشوں سے متعلق اہم پیشگوئی

محکمہ موسمیات کے مطابق اسلام آباد میں ہلکی بارش جبکہ مری اور گلیات میں بارش اور برفباری کی توقع ہے ،شام یا رات کے دوران لاہور، گوجرانوالہ،سرگودھا،جوہرآباد، فیصل آباد، ٹوبہ ٹیک سنگھ جھنگ،میانوالی،بھکر،لیہ،ملتان، ڈی جی خان،ساہیوال،اوکاڑہ اور خطہ پوٹھوہار میں تیزہواؤں کے ساتھ بارش کا امکان ہے۔

دیر ،چترال ، سو ات ، کوہستان ، ایبٹ اآباد،مالاکنڈ ،کوہاٹ اور وزیرستان میں ہلکی با رش اور پہاڑوں پر برفباری کا امکان ہے، گلگت بلتستان اور کشمیر میں مطلع جزوی ابر آلو د رہنے کا ساتھ ہلکی بارش برفباری کا امکان ہے۔

کراچی ،دادو اور گردوانواح میں مطلع جزوی ابرآلود رہنے کے علاوہ صبح کے اوقات میں ہلکی بارش کا امکان ہے۔

بلوچستان کے بیشتر اضلاع میں موسم سرد اور خشک رہے گا۔کوئٹہ،ژوب،زیارت،بارکھان اورگردونواح میں ہلکی بارش کا امکان ہے۔