ایم کیوایم کے رہنماؤں کی مسلم لیگ ق کے صدر چودھری شجاعت سے ملاقات

تفصیلات کے مطابق ایم کیوایم کا سیاسی جماعتوں کی قیادت سے ملاقاتوں کا مشن جاری ہے ایم کیو ایم رہنماؤں کی چودھری شجاعت سے ملاقات کے دوران چودھری پرویز الٰہی، مونس الٰہی اور طارق بشیر چیمہ بھی موجود تھے۔

اس موقع پر دونوں جماعتوں کی قیادت نے سیاسی صورتحال میں آئندہ کے لائحہ عمل پر مشاورت کی۔

ایم کیو ایم رہنماؤں نے دیگر جماعتوں کی قیادت سے ملاقاتوں پر چودھری برادران کو اعتماد میں لیا جبکہ چودھری برادران نے پیپلز پارٹی کی قیادت سے ملاقات میں زیر بحث آنے والے موضوعات کے حوالے سے مہمان رہنماؤں کو آگاہ کیا۔

یاد رہے کہ مسلم لیگ (ن) کے صدر سے ملاقات کے لئےآج متحدہ قومی موومنٹ (ایم کیو ایم) کا وفد ماڈل ٹاؤن لاہور پہنچا، شہبازشریف نے ایم کیو ایم کے سینئر ڈپٹی کنوینر عامر خان پارٹی رہنما وسیم اختر کا آمد پر استقبال کیا۔

احسن اقبال، سعد رفیق، شاہ محمد شاہ، مفتاح اسماعیل، مریم اورنگزیب، ملک محمد خان نے پارٹی صدر کے ہمراہ ایم کیو ایم قائدین کا استقبال کیا۔

ملاقات کے دوران ملک کی سیاسی صورتحال اورحکومتی اتحاد پر بات چیت کی گئی۔