بلوچستان کی ترقی پاکستان کے مستقبل کے لیے ترجیح اور اہم ہے، وزیراعظم

پاک فوج کے شعبہ تعلقات عامہ (آئی ایس پی آر ) کی جانب سے جاری کردہ بیان کے مطابق  وزیراعظم اور آرمی چیف جنرل قمر جاوید باجوہ نے  بلوچستان میں نوشکی کا دورہ کیا، گورنر ،وزیراعلی ، وفاقی  وصوبائی وزرابھی وزیراعظم کے ہمراہ تھے۔

آئی ایس پی آر کا کہنا ہے کہ  وزیراعظم کو نوشکی میں سکیورٹی کی صورتحال پر تفصیلی بریفنگ دی گئی،  وزیراعظم نے علاقے کے قبائلی عمائدین سے بات چیت کی۔

ترجمان پاک فوج کا کہنا ہے کہ   وزیراعظم نے دہشت گردی کے خلاف جنگ میں عمائدین کی غیر متزلزل حمایت کو سراہا۔

اس موقع پر وزیر اعظم عمران خان نے کہا ہے کہ  بلوچستان کی ترقی پاکستان کے مستقبل کے لیے ترجیح اور اہم ہے، یہاں کسی کو بھی ترقیاتی عمل کوسبوتاژنہیں کرنےدیں گے۔انہوں  نے مزید کہا کہ  دشمن پاکستان کے ٹکڑے ٹکڑے کرنا چاہتا ہے، دہشت گردی کےخاتمےکیلئےپاک افواج کی قومی سطح پرحمایت کرتےرہیں گے۔

خیال رہے کہ  دو فروری کو نوشکی اور پنجگور میں سکیورٹی فورسز نے دہشت گردوں کے حملے پسپا کیے تھے اور تمام دہشت گردوں کو مار گرایا تھا۔