’چیزیں تیزی سے بگڑسکتی ہیں ، امریکی شہری جلد از جلد یوکرین سے نکلیں‘

غیر ملکی خبر رساں ادارے کے مطابق امریکی صدر امریکیوں کو ہدایات جاری کردیں ہیں کہ  یوکرین کے معاملے پر چیزیں تیزی سے بگڑسکتی ہیں لہذا امریکی شہری جلد از جلد یوکرین سے نکلیں اور  یوکرین کا سفر کرنے سے بھی گریز کریں، اگر روس نے یوکرین پر حملہ کردیا تو ہم امریکی شہریوں کو ریسکیو کرنے کےلیے فوج نہیں بھیجیں گے۔

امریکی صدر نے اپنے شہریوں کو متنبہ کیا کہ حالات بہت زیادہ تیزی سے بگڑ رہے ہیں۔

غیر ملکی خبر رساں ادارے نے دعوی کیا ہے کہ روس یوکرین پر حملہ کرنے کیلئے سرحد پر ایک لاکھ سے زائد فوجی تعینات کرچکا ہے  تاہم روس مسلسل یوکرین پر حملہ کرنے کی منصوبہبندی کی تردید کر رہا ہے۔

دوسری جانب روس نے بیلاروس کے ساتھ بڑے پیمانے پر فوجی مشقوں کا آغاز کردیا ۔جکبہ یوکرین نے الزام عائد کیا ہے کہ روس نے سمندر تک ہماری رسائی روک دی ہے۔