پنجاب میں زمینوں کے ریکارڈ کے حصول کے حوالے سے اہم فیصلہ 

تفصیلات کے مطابق پنجاب میں زمینوں کے ریکارڈ کے حصول کے حوالے سے اہم فیصلہ ،  پنجاب لینڈ ریکارڈ اتھارٹی نے  پنجاب بھر کے اراضی ریکارڈ سنٹرز پر یونیورسل رسائی فراہم کر دی  ہے۔ پنجاب کے شہری کسی بھی اراضی ریکارڈ سنٹر سے زمینوں کی فرد حاصل کر سکتے ہیں۔

 ترجمان لینڈ  ریکارڈ اتھارٹی کا کہنا ہے کہ پنجاب کے تمام اضلاع و تحصیل کے انتقالات و فردات جاری کرنے کے لیے یونیورسل  رسائی فراہم کر دی ہے۔   پنجاب کے کسی بھی اراضی ریکارڈ سنٹر سے کسی دوسرے ضلع کی سروس حاصل کر سکتے ہیں،  شہری لاہور میں بیٹھ کر راجن پور کی جائیداد کی فرد حاصل کر سکتے ہیں۔

ترجمان لینڈ ریکارڈ اتھارٹی کے مطابق  ڈیٹا کی یونیورسل رسائی کی بدولت اپنے علاقے سے دور رہائش پذیر مالکان اراضی کومتعلقہ تحصیل کے سنٹر میں جانے کی  پابندی نہ رہے گی بلکہ مالکان اراضی کیلے کسی بھی تحصیل یا سنٹر سے پنجاب کی کسی اورتحصیل کی اراضی ریکارڈ کی خدمات  حاصل کرنا ممکن بنادیا گیا ہے۔پنجاب کے کسی اراضی ریکارڈ سنٹر سے کسی دوسرے تحصیل و ضلع کی اراضی ریکارڈ، فرد کا اجرا، اور انتقال کا اندراج کروا سکیں گے۔