اپوزیشن رہنماؤں کو عوام کے مسائل سے کوئی سروکار نہیں : عثمان بزدار

تفصیلات کے مطابق   جاری کردہ بیان میں وزیراعلیٰ پنجاب  سردار عثمان بزدار  نے کہا کہ اپوزیشن عناصر نے ثابت کیا ہے کہ ان کی سیاست کسی اصول یا نظریے کی بنیاد پر نہیں،  عوام جانتے ہیں کہ ماضی میں انہی جماعتوں نے معیشت کو تباہ و برباد کیا۔

ان  کا کہنا تھا کہ مسترد شدہ عناصر ملک کو درست سمت پر چلتا دیکھ کر بوکھلاہٹ کا شکار ہیں ، پراپیگنڈا کی سیاست اپوزیشن کا وطیرہ ہے، مخالفین صرف پوائنٹ سکورنگ کرنے میں مصروف ہیں۔ 

وزیراعلی ٰ پنجاب نے کہا کہ اپوزیشن رہنماؤں کو یاد رکھنا چاہیئے کہ دکھی انسانیت کی خدمت خالی تقریروں سے نہیں ہوتی ۔ عوام ان سیاست دانوں کی منفی سیاست سے متنفر ہو چکے ہیں اور اپوزیشن نے اپنی تمام توانائی صرف زبانی جمع خرچ پر صرف کی اور غیر معمولی حالات میں بھی غیر ذمہ داری کا ثبوت دیا ہے ۔