باکسر عامر خان کو اہم فائٹ میں شکست

تفصیلات کے مطابق باکسر عامر خان اپنے کریئر کی اہم فائٹ میں ناکام رہے،باکسر کیل بروک نے باکسر عامر خان کو ناک آوٹ کر دیا۔

دونوں باکسرز کے درمیان 12 راونڈز پر مشتمل فائٹ  صرف چھ راونڈز تک چل سکی،فائٹ کے چھٹے راونڈ میں ریفری نے باوٹ کو روک دیا۔

باکسر عامر خان کا کہنا تھا کہ شکست پر غمزدہ ہوں، جس طرح فائٹ کرنی چاہیے تھی ویسے نہیں کر سکا۔

انہوں نے کہا ہے کہ  باکسر کیل بروک نے اچھی کارکردگی دکھائی،آج رات ان کی تھی، کیل بروک نے وہ سب کیا جس کی انھیں ضرورت تھی۔

یاد رہے کہ  مانچسٹر میں ہونے والی فائٹ  برطانوی باکسر کے کرئیر کی اہم ترین فائٹ تھی، باکسر عامر خان 2 سال کے بعد رنگ میں اترے تھے۔