وزیر اعظم سے وزیر مذہبی امور ترکی ڈاکٹر علی ارباش کی وفد کے ہمراہ ملاقات

تفصیلات کے مطابق  وزیراعظم عمران خان سے وزیر مذہبی امور ترکی ڈاکٹر علی ارباش نے وفد کے ہمراہ ملاقات کی ہے، وفاقی وزیر مذہبی امور پیر نور الحق قادری، سردار اعجاز جعفر سیکرٹری مذہبی امور  اور ترک سفیر  مصطفیٰ یرداکل  بھی ہمراہ تھے ۔

مختلف شعبوں میں پاک ترک باہمی تعاون  کے فروغ اور باہمی دلچسپی کے امور پر تبادلہ خیال کیاگیا۔

اس موقع پر ڈاکٹر علی ارباش نے کہا کہ وزیر اعظم عمران خان کا رحمت اللعالمین اتھارٹی کے قیام  کا فیصلہ قابلِ قدر ہے ،  نوجوان نسل کی اصلاح و تربیت کے ذریعے متوازن اور معتدل ریاست کی تشکیل  دونوں ملکوں کی ذمہ داری ہے،  رومی ؒ اور اقبالؒ کی فکری سوچ اور رشتے  کو علماء و مشائخ کے ذریعے دوبارہ زندہ اور مضبوط کرنے کی ضرورت ہے۔

اس کے علاوہ  ملاقات میں دونوں ملکوں  کے علماء کرام کے دورے کروانے پر اتفاق رائے ہوا ، ترکی کی طرز پر پاکستان میں امام و خطیب سکول  قائم کرنے کی یقین دہانی  اور  اسلاموفوبیا کے خلاف دونوں ملکوں کے مشترکہ لائحہ عمل  کی تیاری پر اتفاق کیا گیا۔