مولانا فضل الرحمان اور آصف علی زرادری کے درمیان ہونے والی ملاقات کی اندرونی کہانی سامنے آگئی

تفصیلات کے مطابق مولانا فضل الرحمان اور سابق صدر آصف علی زرادری کے درمیان ہونے والی ملاقات کی اندرونی کہانی سامنے آگئی ہے۔ذرائع کا کہنا ہے کہ آصف علی زرداری نے مولانا فضل الرحمان سے کہا کہ  مولانا صاحب آپ کمزور ہوگئے ہے، اپنا خیال رکھیں، جس پر مولانا فضل الرحمان نے جواب دیا کہ  بس وقت کے ساتھ ساتھ چل رہا سب۔

ذرائع کے مطابق ملاقات میں عدم اعتماد سےمتعلق سابق صدر آصف علی زرادری نے مولانا فضل الرحمان کو بریفنگ دی،   آصف علی زرادری نے حکومتی اتحادیوں سے ہونے والے رابطوں سےمتعلق مولانا فضل الرحمان کو آگاہ کیا۔

ذرائع نے بتایا کہ آصف زرداری نے کہا کہ  ہمارے ممبرز کی تعداد مکمل ہے،  حکومتی اتحادی بھی رابطے میں ہیں، مولانا آپ اپوزیشن کی دیگر جماعتوں سے مشاورت کرکے بسم اللہ کریں۔

مولانا فضل الرحمان نے کہا کہ  قوم کو جلد سرپرائز دیں گے، عوام کی امیدیں اپوزیشن سے وابستہ ہیں، حکومتی اتحادی بھی حکومت سے مایوس ہوچکے ہیں،  جلد اپوزیشن کی تمام جماعتوں سے مشاورت کرکے عدم اعتماد پیش کریں گے، جلد بازی نہیں کرنی اس بار نا اہل حکومت کا ختمہ کرکے دم لیں گے۔

ذرائع کے مطابق  سابق صدر آصف علی زرادری اور مولانا فضل الرحمن کے درمیان 30 منٹ ون او ون ملاقات بھی ہوئی۔