‏این سی او سی کا10 فیصدسےکم کوروناوالےشہروں میں پابندیوں میں نرمی کا فیصلہ

تفصیلات کے مطابق  نیشنل کمانڈاینڈ کنٹرول سینٹر(این سی او سی ) کا اہم اجلاس ہوا ،  اجلاس میں کورونا وائرس کے کم ہوتے ٹرینڈز کی صورتحال کا جائزہ لیا گیا۔این سی او سی کی جانب سے کورونا صورتحال بہتر ہونے این پی آئیز نرم کرنے کا فیصلہ کیا گیا ہے۔

‏این سی او سی نے10 فیصدسےکم کوروناوالےشہروں میں پابندیوں میں نرمی کا فیصلہ کیا ہے،اس حوالے سے نوٹیفکیشن جاری کر دیا گیا ہے۔

نوٹیفکیشن کے مطابق  ریلوے میں دوران سفر مسافروں کی گنجائش 80 فیصد سے بڑھا کر 100 فیصد کر دی گئی، تعلیمی اداروں کو ایس او پیز کے تحت مکمل طور پر کھولنے کی اجازت دی گئی ہے، انڈور اجتماعات میں شرکاء کی تعداد 300 سے بڑھا کر 500 تک کی اجازت دے دی گئی ہے جبکہ  آوٹ ڈور تقریبات اور اجتماعات کی اجازت ہوگی۔ پبلک ٹرانسپورٹ میں مسافروں کی گنجائش نہیں 70 فیصد سے بڑھا کر 80 فیصد کر دی گئی ہے۔