پی ایس ایل 7: پشاور زلمی کے 3 کھلاڑی کورونا کا شکار 

میڈیا رپورٹس کے مطابق مشہور کمنٹیٹر اورنیوزی لینڈ کے سابق ٹیسٹ فاسٹ بولر ڈینی موریسن اور پشاور زلمی کے تین کھلاڑی سہیل خان، بین کٹنگ، عثمان قادر اور بیٹنگ کنسلٹنٹ ہاشم آملہ کورونا میں مبتلا ہوگئے ہیں۔

کورونا سے متاثر ہونے والوں کو فوری طور پر آئسولیٹ کردیا گیا ہے البتہ ان کے ساتھ رابطے میں رہنے والے تمام لوگوں کے کورونا ٹیسٹ منفی ہیں ۔ 

اس حوالے سے پاکستان کرکٹ بورڈ کا کہنا ہے کہ ٹورنامنٹ کو کوئی خطرہ نہیں ہے، ہر ٹیم کو20کھلاڑیوں کی خدمات حاصل تھیں ۔ پشاور زلمی کے پاس 16 فٹ کھلاڑی تھے اس لیے انہوں نے پیر کو گروپ میچ کھیلا جبکہ ٹورنامنٹ کے کورونا پروٹو کول کے مطابق 13فٹ کھلاڑیوں کے ساتھ میچ ہوسکتا ہے ، زلمی کے دو غیر ملکی پلیئر قرنطینہ  میں ہیں جو 22فروری کو منفی ٹیسٹ کے بعد پریکٹس کرسکیں گے ۔

پشاور  زلمی پلے آف میں  24 فروری جمعرات کو اسلام آباد یونائیٹڈ کے ساتھ  میدان میں اُترے گی ۔