یواے ای جانیوالے مسافروں کیلئے کورونا پابندیوں میں نرمی 

پاکستان سے یو اے ای  جانے والے مسافروں کے لئے اچھی خبر آگئی ، مسافروں کیلئے کورونا پابندیوں میں نرمی کردی گئی ہے ۔ سول ایوی ایشن اتھارٹی  کے مطابق مسافروں  کے لیے ائیرپورٹس پر ریپڈ اینٹیجن ٹیسٹ کی شرط ختم کر دی گئی۔

سی اے  اے کے مطابق مسافروں کو ائرپورٹس پر 48 گھنٹے قبل لیے  گئے نیگیٹو پی سی آر ٹیسٹ پیش کرنا ہوگا۔ 48 گھنٹے کا وقت لیبارٹری کو دئے گئے سیمپل کے وقت سے شروع ہوگا۔ 

سی اے اے کے مطابق دبئی پہنچنے پر بھی مسافروں کا  پی سی آر ٹیسٹ ہو گا اور مسافر ٹیسٹ کا نتیجہ آنے تک  خود کو قرنطینہ کرنا ہوگا ۔ 

دبئی ٹرانزٹ کرنے والے تمام مسافروں کو پی سی آر نیگیٹو ٹیسٹ دکھانا لازمی نہیں سوائے ان کے جن کو آخری منزل پہنچنے پر  پی سی آر نیگیٹو دکھانا ہو۔