وزیر اعظم سے سری لنکن بحریہ کے کمانڈر کی ملاقات

تفصیلات کے مطابق  وزیراعظم عمران خان سے سری لنکن بحریہ کے کمانڈر کی ملاقات ہوئی ہے۔وزیر اعظم عمران خان نے کہا ہے کہ    پاکستان اور سری لنکا کے مابین  تعلقات  انتہائی اہمیت کے حامل ہیں۔

وزیر اعظم عمران خان  نے دونوں ممالک کے درمیان مضبوط برادرانہ دو طرفہ تعلقات کے فروغ کااعادہ کیا۔ان کا کہنا تھا کہ   پاکستان سری لنکا تعلقات میں سیکیورٹی اور دفاعی تعاون کلیدی جزو ہے، سری لنکن قیادت کے دورہ پاکستان کے منتظر ہیں۔

سری لنکن کمانڈر نے بین الاقوامی اور علاقائی فورمز پر پاکستان کی حمایت کا شکریہ ادا کیا۔ اعلامیہ کے مطابق  مشترکہ اہداف کے فروغ کے لیے مل کر کام کرنے کے عزم کا اعادہ کیا گیا۔