چیئرمین جے سی ایس سی جنرل ندیم رضا سے ازبکستان کے نائب وزیراعظم کی ملاقات

پاک فوج کے شعبہ تعلقات عامہ (آئی ایس پی آر ) کی جانب سے جاری کردہ بیان کے مطابق  چیئرمین جوائنٹ چیفس آف اسٹاف کمیٹی جنرل ندیم رضا سے ازبکستان کے نائب وزیراعظم سردار عمر زاکوف کی ملاقات ،ملاقات کے دوران باہمی دلچسپی اور سٹریٹجک امور پر تبادلہ خیال  ،  علاقائی سکیورٹی بالخصوص افغانستان کی تازہ ترین صورتحال پر تبادلہ خیال کیا گیا۔

آئی ایس پی آر کا کہنا ہے کہ  ملاقات میں باہمی سکیورٹی اور دفاعی تعاون کو مزید مضبوط دینے پر زور دیا گیا، دونوں ممالک کے درمیان فوجی رابطوں کا دائرہ کار بڑھانے کے اقدامات پر بھی تفصیلی تبادلہ خیال  ،  دونوں جانب سے موجودہ تعلقات کو مزید وسعت اور استحکام دینے کے عزم کا اعادہ کیا گیا۔

چیئرمین جے سی ایس سی جنرل ندیم رضا نے کہا کہ  پاکستان ازبکستان کے ساتھ ملٹری ٹو ملٹری تعاون کو وسعت دینے کا خواہاں ہے، پاکستان علاقائی ممالک کیساتھ دفاعی تعلقات بڑھانا چاہتا ہے۔