مولانا فضل الرحمان کا شہباز شریف سے ٹیلیفونک رابطہ، سیاسی صورتحال پر گفتگو

ذرائع کے مطابق مولانا فضل الرحمان اور میاں شہباز شریف کا جلد ملاقات پر اتفاق ہوا۔

ذرائع کا کہنا ہے کہ مولانا فضل الرحمان نے میاں شہباز شریف سے ٹیلیفون پر رابطہ کیا جس میں تحریک عدم اعتماد پر تفصیلی گفتگو ہوئی۔ 
اس سے قبل جے یو آئی (ف) کے سربراہ مولانا فضل الرحمان نے سابق وزیراعظم نوازشریف سے ٹیلی فونک رابطہ کیا ہے۔

وزیراعظم عمران کے خلاف عدم اعتماد کے حوالے سے اپوزیشن کافی متحرک دکھائی دے رہی ہے اور خاص طور پر پاکستان ڈیموکریٹک موومنٹ کے سربراہ مولانا فضل الرحمان نے سیاسی رابطوں کا سلسلہ شروع کررکھا ہے جس میں انہوں نے قومی اسمبلی میں اپوزیشن لیڈر شہباز شریف سے بھی گزشتہ دنوں ملاقات کی۔