وزیر اعظم اپنے تاریخی دو روزہ دورہء روس کیلئے ماسکو روانہ

تفصیلات کے مطابق  وزیرِ اعظم عمران خان اپنے تاریخی دو روزہ دورہء روس کیلئے ماسکو روانہ  ہوگئے ہیں ۔ وفاقی وزراء مخدوم شاہ محمود قریشی، فواد چوہدری، اسد عمر، حماد اظہر، مشیرِ تجارت عبدالرزاق داؤد، قومی سلامتی کے مشیر معید یوسف اور عامر محمود کیانی وزیرِ اعظم کے ہمراہ ہیں۔

خیال رہے کہ وزیر اعظم عمران خان روسی صدر ولادیمیر پیوٹن کی دعوت پر آج دو روزہ سرکاری دورے پر روس روانہ ہوئے ہیں۔

یاد رہے گزشتہ روز دفترخارجہ سے جاری کردہ بیان میں بتایا گیا تھا کہ ‘پاکستان اور روس کے دوستانہ تعلقات ہیں جو باہمی احترام، اعتماد، بین الاقوامی اور علاقائی مسائل پر خیالات کی ہم آہنگی سے عبارت ہیں’۔