کوئی کچھ بھی کہے آپ ہمارے وزیراعظم کے امیدوار ہیں، آصف زرداری کا شہبازشریف سے مکالمہ

ذرائع کا کہنا ہے کہ اجلاس میں تحریک عدم اعتماد کی کامیابی کی صورت میں پیپلزپارٹی کے شریک چیئرمین آصف علی زرداری نے اپوزیشن لیڈر شہباز شریف کا نام بطور وزیراعظم کے پیش کر دیا۔

ذرائع کے مطابق مولانا فضل الرحمان اور ویڈیو لنک پر موجود مسلم لیگ (ن) کے قائد نواز شریف نے بھی وزیراعظم کے لیے شہباز شریف کے نام پر اتفاق کرلیا جب کہ تحریک عدم اعتماد کی کامیابی کے بعد نئی حکومت کے حوالے سے بھی معاملات طے پا گئے۔

ذرائع کا کہنا ہے کہ اجلاس میں آصف علی زرداری اور شہباز شریف نے اپنے اپنے سیاسی کارڈز ایک دوسرے سے شیئر کئے، شہباز شریف نے نمبر گیم کے حوالے سے اجلاس کے شرکا کا تفصیلی بریفنگ دی۔ اجلاس کے شرکا کا نمبر گیم کے حوالے سے اطمینان کا اظہار کیا۔