پاکستانی صحافت کے استاد پروفیسر مہدی حسن کے انتقال پر سیاسی رہنماؤں کا اظہار افسوس

بلاول بھٹو زرداری نے ممتاز دانشور اور ایچ آر ایس پی کے سابق سربراہ پروفیسر ڈاکٹر مہدی حسن کے انتقال پر اظہارِ افسوس کیا ہے، ان کا کہنا تھا کہ ڈاکٹر مہدی حسن جیسے ممتاز استاد، کالم نویس اور ہمہ گیر شخصیت کا انتقال ملک و قوم کے لیئے بہت بڑا نقصان ہے۔

انہوں نے کہا کہ مرحوم ڈاکٹر مہدی حسن ایک خوش اخلاق، سادہ مزاج اور مخلص انسان تھے، پنجاب یونیورسٹی اور ایچ آر سی پے جیسے ملک کے اہم اداروں سے بھی مرحوم کی وابستگی رہی۔

ان کا کہنا تھا کہ مرحوم نے ہمیشہ حکومتی و معاشرتی سطح پر اصلاحات کے لیئے فکرمندی کا مظاہرہ کیا، ان کی جگہ کوئی نہیں لے سکتا، دعا ہے، اللہ تعالیٰ مرحوم ڈاکٹر مہدی حسن کو جنت الفردوس میں بلند تر جگہ عطا فرمائے۔

امیر جماعت اسلامی سراج الحق نے بھی ڈاکٹر مہدی حسن کے انتقال پر اظہارِ افسوس کیا ہے۔

جماعت اسلامی کے قائدین نے ڈاکٹر مہدی حسن کے اہلِ خانہ سے تعزیت کی، خیال رہے کہ لیاقت بلوچ، امیر العظیم اور قیصر شریف نے بھی مرحوم کی وفات پر اظہارِ افسوس کیا۔