سیکیورٹی فورسز کا بلوچستان کے علاقے ہوشاب میں آپریشن، 10دہشتگرد ہلاک

پاک فوج کے شعبہ تعلقات عامہ (آئی ایس پی آر ) کی جانب سے جاری کردہ بیان کے مطابق سیکیورٹی فورسز نے بلوچستان کے علاقے ہوشاب میں آپریشن کیا ، آپریشن کے دوران 10 دہشتگرد مارے گئے ہیں۔

آئی ایس پی آر کا کہنا ہے کہ  مارےجانےوالوں میں اہم کمانڈرماسٹرآصف عرف مکیش شامل ہے، یہ دہشتگردتربت،پسنی کےحالیہ دہشتگردی کےواقعات میں ملوث تھے، دہشتگردوں نےآپریشن کےدوران بھاگنےکی کوشش میں اندھادھندفائرنگ کی۔

ترجمان پاک فوج کے مطابق  آپریشن کےدوران بھاری تعدادمیں ہتھیاراورگولیاں برآمدکی گئیں،  یہ ہتھیارسیکیورٹی فورسزپرحملوں میں استعمال ہونےتھے۔

آئی ایس پی آر نے کہا کہ  دہشتگردوں اورانکےسہولت کاروں کےخاتمےکیلئےآپریشن جاری رہیں گے، بلوچستان میں امن وترقی کاعمل ثبوتاژ ہونےنہیں دیں گے۔