مولانا فضل الرحمن اور چوہدری برادان کے درمیان ملاقات کی اندرونی کہانی

ذرائع کا کہنا ہے کہ مولانا فضل الرحمن اور چوہدری برادران کی ملاقات 1 گھنٹہ 10 منٹ جاری رہی جس میں مولانا نے آصف علی زرداری اور شہباز شریف سے ہونے والی ملاقات سے متعلق اعتماد میں لیا۔

ذرائع کے مطابق مولانا نے چوہدری برادران کو یقین دہانی کروائی کہ آصف زرداری اور  شہباز شریف سے متعلق جو تحفظات ہیں وہ دور کر دیئے گئے ہیں۔

ذرائع کا کہنا ہے کہ مولانا فضل الرحمن نے چوہدری برادران کو یقین دہانی کرائی کہ آپ کے تحفظات سے حوالہ سے آصف علی زرداری  آپکو آج حتمی صورتحال سے آگاہ کر دیں گے۔

ذرائع کے مطابق پی ڈی ایم کے سربراہ مولانا فضل الرحمان نے کہا کہ عوام مہنگائی سے تنگ ہیں اگراس حکومت کو رخصت نہ کیا گیا تو ملک وقوم کا مزید نقصان ہوگا۔

یاد رہے کہ اس سے قبل مسلم لیگ (ن) کے صدر شہباز شریف کے گھر اپوزیشن کے بڑوں کی بیٹھک ہوئی جس میں سابق صدر آصف علی زرداری، بلاول بھٹو زرداری اور پی ڈی ایم کے سربراہ مولانا فضل الرحمان کے علاوہ دیگر رہنما بھی موجود تھے۔