سیکورٹی فورسزکا شمالی وزیرستان میں آپریشن ، بھاری مقدار میں اسلحہ ، گولہ بارود برآمد 

پاک فوج کے شعبہ تعلقات عامہ (آئی ایس پی آر) کے مطابق سیکورٹی فورسز نے شمالی وزیرستان کے ضلع ماڑی خیل میں اسلحے اور گولہ بارود کی موجودگی کی اطلاع پر آپریشن کیا ۔  سرچ آپریشن کے دوران بھاری مقدار میں اسلحہ اور گولہ بارود برآمد کر لیا گیا۔

آئی ایس پی آرکا کہنا ہے کہ برآمد شدہ ہتھیاروں اور گولہ بارود میں سب مشین گنز، لائٹ مشین گنز، آرپی جی 7 راکٹ ، ہینڈ گرنیڈز اور سینکڑوں کی تعداد میں مختلف کیلیبر راؤنڈز شامل ہے ۔

دہشت گردی کے خاتمے کے لیے مقامی عمائدین  نے آپریشن کو سراہتے ہوئے   سکیورٹی فورسزسے مکمل تعاون کے عزم کا اظہار کیا۔