عدالت نے نور مقدم قتل کیس  کا  تحریری حکم نامہ جاری کردیا

تحریری حکم نامہ کے مطابق  مرکزی ملزم ظاہر جعفر کو زیادتی کی دفعہ میں عمر قید اور 2 لاکھ جرمانہ کی سزا،جبکہ  اغوا کی دفعہ میں 10 سال قید اور 1 لاکھ جرمانہ کہ سزا سنائی گئی ہے، مرکزی ملزم ظاہر جعفر کو حبس بے جا کی دفعہ میں 1 سال قید کی سزا کا حکم دیا گیا ہے۔

تحریری حکم نامہ میں  مجرم مالی جان محمد کو صلاح مشورے کی دفعہ میں 10 سال قید اور 1 لاکھ روپے جرمانہ کا حکم دیا گیا ہے،  مالی جان محمد کو اغوا کو چھپانے کی دفعہ میں 10 سال قید اور 1 لاکھ جرمانہ کا حکم  بھی دیا گیا ہے۔ مالی جان محمد جرم کو دیکھ کر اطلاع نہ دینے کی دفعہ میں 1 ماہ قید کی سزاجبکہ  جرم کو چھپانے کی دفعہ میں 7 سال قید اور 1 لاکھ جرمانے کی سزا کا حکم سنایا گیا ہے۔

 تحریری حکم نامہ  کے مطابق  چوکیدار محمد افتخار کو صلاح مشورے کی دفعہ میں 10 سال قید اور 1 لاکھ روپے جرمانہ  کی سزا،جبکہ  اغوا کو چھپانے کی دفعہ میں 10 سال قید اور 1 لاکھ جرمانہ کا حکم  اور  جرم کو دیکھ کر اطلاع نہ دینے کی دفعہ میں 1 ماہ قید کی سزاکا حکم دیا گیا ہے۔ چوکیدار محمد افتخار کو جرم کو چھپانے کی دفعہ میں 7 سال قید اور 1 لاکھ جرمانے کی سزا  سنائی گئی ہے۔