روس یوکرین تنازع:   پاکستانی سفارتخانے کی طلبا کو ’محفوظ شہر ‘پہنچنے کی ہدایت

سماجی رابطے کی ویب سائٹ ٹوئٹر پر یوکرین کے دارالحکومت کیو میں پاکستانی سفارتخانے نے  ٹویٹ میں کہا ہے کہ  یوکرین کی ائر اسپیس بند کردی گئیں ہیں ، پاکستانی سفارتخانہ ان تمام طلبہ کے ساتھ رابطہ میں ہے جو ایڈوائزری کے باوجود یوکرین سے نکل نہ سکے۔

The Airspace of Ukraine is closed.
The Embassy is in touch with the students who couldn't leave according to the Advice given to them earlier.

They have been asked to go to Tarnopil. Where arrangements for thier evacuation will be made as situation allows.#ForeignOfficePk

— Pakistan Embassy Ukraine (@PakinUkraine) February 24, 2022

ٹویٹ میں کہا گیاہے کہ  ان تمام طلبہ کو محفوظ شہر ترنوپل پہنچنے کی ہدایت کر دی گئی ہے،  صورتحال دیکھ کر ان تمام طلبہ کو یوکرین سے نکالنے کے اقدامات کیے جائیں گے۔

یوکرین میں پاکستانی سفارتخانہ کے ٹوئٹر اکاؤنٹ پر شکایت کے انبار لگا دئیے گئے ہیں، طلبہ شکایت کر رہے ہیں کہ  رابطہ کی کوشش کر رہے ہیں مگر کامیاب نہیں ہورہے۔

دوسری جانب ترجمان دفترخارجہ نے کہا ہے کہ  بیشتر پاکستانی طلبہ یوکرین سے پہلے ہی نکل چکے، سفارتخانہ دو ماہ سے مسلسل ایڈوائزری کر رہا تھا۔ ترجمان دفتر خارجہ نے تصدیق کی ہے کہ  متعدد بار جاری کی گئی  ایڈوائزری کے باوجود طلبہ کی ایک تھوڑی تعداد یوکرین سے نہیں نکل سکی، جو طلبہ نہیں نکل سکے انہیں  دارالحکومت کیو سے ایک  دوسرے مگر محفوظ شہر منتقل کیا جارہا ہے۔