روس یوکرین تنازع: نیٹو کا مشرقی یورپ میں مزید بری، فضائی اور بحری فورسز تعینات کرنے کا اعلان

غیر ملکی خبر رساں ادارے کے مطابق   نیٹو  نے مشرقی یورپ میں مزید بری، فضائی اور بحری فورسز تعینات کرنے کا اعلان کیا ہے۔نیٹو نے اعلامیے میں کہا ہے کہ  روس کے اقدامات یورو اٹلانٹک سکیورٹی کے لیے سنگین خطرہ ہیں، روس کے اقدامات کے  جیو سٹرٹیجک نتائج ہوں گے،اتحادیوں کے دفاع کے لیے ہر ممکن قدم اٹھائیں گے۔

 نیٹو  نے اعلامیے میں کہا ہے کہ   روس کا حملہ بلا اشتعال اور غیرمنصفانہ ہے، ہم یوکرین کے عوام کے ساتھ کھڑے ہیں،  واشنگٹن معاہدے کے آرٹیکل 4 کے تحت مشاورت کی اور تمام اتحادیوں کا دفاع مضبوط کرنے کا فیصلہ کیا، واشنگٹن معاہدے کے آرٹیکل 5   کے ساتھ ہماری وابستگی  آہنی ہے ایک دوسرے کے دفاع کے لیے متحد ہیں۔