یوکرین کی  افواج پوزیشنز اور ہتھیار چھوڑ کر بڑے پیمانے پر فرار ہو رہی ہیں، روسی افواج کا بیان

غیر ملکی خبر رساں ادارے کے مطابق  یوکرین آپریشن پر روسی فوج نے اہم بیان جاری کردیا ہے۔روسی افواج کا کہنا ہے کہ  ڈونباس  کے عوام کو یوکرین کے مظالم سے بچانے کے لیے آپریشن شروع کیا۔ یوکرین کی فوجی تنصیبات کو انتہائی درستگی کے ساتھ نشانہ بنا رہے ہیں،شہری ہلاکتوں کی رپورٹس دیکھی ہیں۔

 روسی افواج کی جانب سے جاری کردہ بیان میں کہا گیا ہے کہ  یوکرین کی  افواج پوزیشنز اور ہتھیار چھوڑ کر بڑے پیمانے پر فرار ہو رہی ہیں۔

دوسری جانب  یوکرین نے دعوی کیا ہے کہ   حملہ آور پچاس روسی فوجی مار دیئے،روس کے جنگی طیارے بھی تباہ کئے ہیں۔ یوکرین کی حکومت نے ملکی دفاع کے لیے ہر شہری کو ہتھیارفراہمی کی پیشکش کردی ہے۔

یوکرین کی طرف سے روسی طیارے گرانے اور فوجی ہلاک کرنے کے دعووں کی آزادانہ تصدیق نہیں ہوسکی ہے۔