لتھوینیا نے یوکرین پر روس کے حملے کے بعد ایمرجنسی نافذ کردی

غیر ملکی خبر رساں ادارے کے مطابق  لتھوینیا نے یوکرین پر روس کے حملے کے بعد ایمرجنسی نافذ کردی ہے۔ صدر لتھوینیا کا کہنا ہے کہ روسی فورسز کی بڑے پیمانے پر موجودگی کے باعث فوج سرحدوں پر بھجوائی جائے گی۔

دوسری جانب   ایسٹونیا نے یوکرین کی سیاسی مدد کے ساتھ ساتھ اسلحہ فراہمی کا اعلان کردیا ہے۔وزیر اعظم ایسٹونیا کا کہنا ہے کہ   روسی جارحیت کو پھیلنے سے روکنے کے لیے یورپی یونین اور نیٹو کی سطح پر ہر ممکن قدم اٹھایا جائے، عوام پرسکون رہیں، ابھی ہماری سرحدوں پر کوئی خطرہ نہیں ہے۔