پی ایس ایل کی 7 سالہ تاریخ میں پہلی بار لاہور قلندرز نے فائنل کا تاج سرپر سجا لیا

پاکستان سپر لیگ 7 کا فائنل میچ لاہور کے قذافی اسٹیڈیم میں کھیلا گیا،لاہور قلندرز نے پہلے کھیلتے ہوئے ملتان سلطانز کو 181 رنز کا ہدف دیا۔لاہور قلندرز نے مقررہ اوورز میں 5 وکٹوں کے نقصان پر 180 رنز بنائے۔ہدف کے تعاقب میں  ملتان سلطانز صرف 42 رنز بنا سکی۔

ملتان سلطانز کی جانب سے شان مسعود  19 رنز بنا سکے، محمد رضوان 14،عامر عظمت  6 ، ٹم ڈیوڈ  27 جبکہ  خوشدل 30 رنز بنا کر آوٹ ہوئے۔

لاہور قلندرز کی جانب سے  شاہین آفریدی نے 3 کھلاڑیوں کو آوٹ کیا، محمد حفیظ ،زمان خان نے 2،2 وکٹیں حاصل کیں جبکہ حارث راوف نے ایک کھلاڑی کو آوٹ کیا۔

لاہور قلندرز کی جانب سے محمد حفیظ نے 69رنز کی شاندار اننگز کھیلی ، ہیری بروک نے 41 اور ڈیوڈ ویزے نے 28 رنز کی برق رفتار اننگز کھیلی۔  فخرزمان 3رنز بناکر کیچ آؤٹ ہوئے،  لاہورقلندرز کی  دوسری وکٹ23رنز پر گرگئی ،  ذیشا ن اشرف 7رنز بناکر آؤٹ ہوئے، لاہورقلندرز کی   تیسری وکٹ25رنز پر گری، عبداللہ شفیق14رنز بناکر آؤٹ ہوئے۔

ملتان سلطانز کی جانب سے آصف آفریدی نے تین جبکہ شاہنواز دھانی اورڈیوڈ ویلی نے ایک، ایک وکٹ حاصل کی۔