کلبھوشن کراچی اوربلوچستان میں دہشتگردی کی کارروائیوں کا ماسٹر مائنڈ ہے:فواد

تفصیلات کے مطابق اطلاعات و نشریات کے وفاقی وزیر چودھری فواد حسین نے سماجی رابطے کی ویب سائٹ ٹوئٹر پر ایک  پیغام  میں کہا ہے کہ چھ سال قبل آج کے دن پاکستان آرمی نے ہندوستان کے حاضر سروس آفیسر کلبھوشن یادیو کو بلوچستان سے گرفتار کیا، کلبھوشن بلوچستان اور کراچی میں دہشت گردی کا ماسٹر مائینڈ تھا، اس گرفتاری نے ایک بار پھر ثابت کیا کہ پاکستان میں دھشت گردی کے پیچھے ہندوستان کا ہاتھ ہے۔ 

چھ سال قبل آج کے دن پاکستان آرمی نے ہندوستان کے حاضر سروس آفیسر #کلبھوشن_یادیو کو بلوچستان سے گرفتار کیا، کلبھوشن بلوچستان اور کراچی میں دھشت گردی کا ماسٹر مائینڈ تھا، اس گرفتاری نے ایک بار پھر ثابت کیا کہ پاکستان میں دھشت گردی کے پیچھے ھندوستان کا ہاتھ ہے

— Ch Fawad Hussain (@fawadchaudhry) March 3, 2022

واضح رہے کہ بھارت اپنے جاسوس کلبھوشن یادیو کے لیے پاکستان کی طرف سے فراہم کردہ قانونی چارہ جوئی سے فائدہ اٹھانے میں ناکام رہا ہے۔

بھارتی جاسوس اور ’’ را ‘‘ کے دہشت گرد کلبھوشن یادیو کو 6 سال قبل بلوچستان میں پاکستانی سرزمین پر تخریبی سرگرمیاں کرنے کے الزام میں گرفتار کیا گیا تھا۔

بین الاقوامی عدالت انصاف (آئی سی جے) کی ہدایت کے مطابق نظرثانی کی درخواست دائر کرنے سے بھارت کا مسلسل گریز اس زمینی حقیقت سے انکار کامنہ بولتا ثبوت ہے۔