’تحریک عدم اعتمادعمران خان کیخلاف لائی جا رہی ہے‘

پاکستان ڈیموکریٹک موومنٹ (پی ڈی ایم ) کے سربراہ مولانا فضل الرحمان نے میڈیا سے گفتگو کرتے ہوئے کہا کہ ملاقات میں طے  ہوا ہے تحریک عدم اعتماد وزیر اعظم عمران خان کیخلاف لائی جا رہی ہے،عمران خان کیخلاف  عدم اعتماد کیلئے ڈرافت تیار ہوچکا ہے ۔

مولانا فضل الرحمان نے کہا کہ ارکان کی  اکثریت ہمارے ساتھ ہے ، ایک دوروز میں تحریک عدم اعتماد   پیش کرنے کا مرحلہ آئے گا۔ اپوزیشن لیڈر شہباز شریف دوروز سے علیل  ہیں ،لوگوں کو پارلیمنٹ میں پہنچانا اوررازداری رکھنا  اصل کام ہے ، ہم حتمی اقدامات تک پہنچ   گئے ہیں ۔ان کا کہنا تھا کہ  مشاورت کے دوران شہبازشریف سے ٹیلیفونک رابطہ رہا، شہبازشریف کل  لاہور میں مشاورت کریں گے ۔