اپوزیشن کی طرف سے وزیر اعظم کے خلاف تحریک عدم اعتماد جمع کرادی گئی

اسلام آباد : مسلم لیگ ن کے ارکان قومی اسمبلی نے تحریک عدم اعتماد پر دستخط کر دیے  اور تحریک عدم اعتماد آج جمع کروا دی گئی۔

تفصیلات کے مطابق  شہباز شریف کی زیرصدارت ن لیگ کی پارلیمانی پارٹی کا اجلاس ہوا۔ن لیگی ارکان قومی اسمبلی سے تحریک پر دستخط لے لیے گئے۔ اجلاس میں مسلم لیگ ن  نے پیپلزپارٹی کے ڈی چوک جلسہ میں وفد بھجوانے کا فیصلہ بھی کیا۔احسن اقبال، خواجہ آصف اور مریم اورنگزیب جلسہ میں شرکت کریں گے ۔ تحریک عدم اعتماد آج جمع کروائے جانے کا امکان ہے ، اپوزیشن نے اسمبلی سکریٹریٹ کو آگاہ کردیا ہے ۔۔ 

 شاہد خاقان عباسی نے ارکان کو اسلام آباد میں رہنے کی ہدایت کردی انہوں نے ارکان سےخطاب میں کہا تحریک عدم اعتماد آنے والی ہے۔  انہوں نے  کہا قومی اسمبلی اجلاس کی ریکیوزیشن جمع کرائی جائے گی۔ن لیگ کے تمام ممبران اسلام آباد میں رہیں۔کسی بھی وقت قومی اسمبلی اجلاس ہوسکتا ہے۔ لیگی رکن قومی اسمبلی ایاز صادق کا کہنا ہے کہ عدم اعتماد کے لیے ریکوزیشن آج ہی جمع کروائیں گے ۔ جی این این نے جب سوال کیا کہ آپ تحریک عدم اعتماد جمع کروانے جارہے ہیں تو ایاز صادق کا کہنا تھاکہ جی وہی کام کرنے جارہے ہیں ۔ مسلم لیگ ن  کے رہنما خواجہ آصف نے خطاب میں کہا، تحریک عدم اعتماد لارہے ہیں۔حکومت کو تاریخی شکست ہوگی۔ 

ذرائع کا کہنا ہے کہ اپوزیشن نے دعویٰ کیا ہے کہ انہوں نے نمبر پورے کر لیے ہیں اور اس وقت ان کے پاس 197 سے 202 اراکین کی حمایت موجود ہے۔

ذرائع کا کہنا ہے کہ اپوزیشن نے تحریک انصاف کے 27 ارکان اور ایک اتحادی جماعت کے اراکین کی حمایت کا بھی دعویٰ کیا ہے۔