زرداری ، شہباز اور مولانا فضل الرحمٰن آج 4:30 پر مشترکہ پریس کانفرنس کرینگے 

ذرائع کے مطابق آصف علی زرداری، میاں شہباز شریف اور مولانا فضل الرحمٰن آج ساڑھے 4 بجے پریس کانفرنس کریں گے۔ ذرائع کا یہ بھی کہنا ہے کہ تینوں رہنما میڈیا سے اہم گفتگو وفاقی دارالحکومت اسلام آباد میں کریں گے۔

دوسری جانب مسلم لیگ ن کے پارلیمانی پارٹی اجلاس میں قومی اسمبلی میں وزیرِ اعظم عمران خان کے خلاف تحریکِ عدم اعتماد آج پیش کرنے کا فیصلہ بھی کر لیا گیا ہے ۔ مسلم لیگ ن کے ارکان قومی اسمبلی نے تحریک عدم اعتماد پر دستخط کر دیے۔ 

ادھرپاکستان پیپلز پارٹی کا کراچی سے نکلنے والا عوامی لانگ مارچ اسلام آباد پہنچ چکا ہے۔ پاکستان پیپلز پارٹی کے عوامی لانگ مارچ میں پی ڈی ایم اور ن لیگ کی جانب سے بھی آج شرکت کا فیصلہ کیا گیا ہے۔