علیم خان کسی صورت وزیراعلیٰ قبول نہیں ہیں ، عثمان بزدار کھل کر سامنے آگئے

لاہور: عبدالعلیم خان کے خلاف وزیر اعلی پنجاب سردار عثمان بزدار کھل کر میدان میں آگئے

ذرائع جی این این کے مطابق ملک کے سیاسی منظر نامے پر اہم پیش رفت سامنے آگئی ہے ۔ وزیر اعلی پنجاب سردار عثمان بزدار کھل کر میدان میں آگئے  ہیں ۔ عثمان بزدار کا قیادت کو پیغام دیدیا ہے کہ  عبدالعلیم خان بطور وزیر اعلی کسی صورت قابل قبول نہیں ہیں ۔ 

وزیراعلیٰ کا کہنا ہے کہ چوہدری پرویز الہی کو منصب دیا جائے یا میرے پاس رہنے دیا جائے  ۔  عبدالعلیم خان قابل قبول نہیں ارکان اسمبلی میں بھی انکے خلاف جذبات ہیں۔ 

عثمان بزدار نے قیادت کو اپنے فیصلے سے آگاہ کر دیا ہے جبکہ  چوہدری پرویز الہی کا وزیر اعلی کے مثبت جذبات پر اظہار تشکر کیا ہے ۔  وزارت اعلی کے حوالے سے انکا نام تجویز کرنے پر چوہدری پرویز الہی نے وزیراعلی کا شکریہ ادا کیا۔