امام الحق ٹیسٹ میچ کی دونوں اننگز میں سنچری بنانے والے دسویں پاکستانی بن گئے

تفصیلات کے مطابق امام الحق پنڈی ٹیسٹ کی دونوں اننگز میں سنچری بناکر یہ کارنامہ انجام دینے والے دسویں پاکستانی بلے باز بن گئے ہیں۔

قومی کرکٹر امام الحق نے راولپنڈی ٹیسٹ کی دونوں اننگز میں سنچریاں اسکور کیں ۔

آخری مرتبہ ایک ہی میچ کی دونوں اننگز میں سنچری بنانے کا اعزاز اظہر علی اور مصباح الحق کو حاصل ہے جنہوں نے ایک ہی  میں میچ آسٹریلیا کے ہی خلاف سنچریز اسکور کی تھیں۔

امام الحق سے قبل حنیف محمد ، جاوید میانداد، وجاہت اللّٰہ واسطی، یاسر حمید، انضمام الحق، محمد یوسف، یونس خان، مصباح الحق اور اظہر علی یہ کارنامہ انجام دے چکے ہیں۔