آئی ایم ایف کی شرائط ، بجلی 95 پیسے فی یونٹ تک مہنگی  کرنے کی تیاریاں

جی این این کے مطابق  نیشنل   الیکٹر ک پاور ریکولیٹری اتھارٹی (نیپرا) نے اپنا فیصلہ وفاقی حکومت کو بھجوا دیا ہے جس کے بعد  وفاقی حکومت اضافے کے حوالے سے نوٹیفکیشن جاری کرے گی ۔  وفاقی حکومت کے نوٹیفکیشن کے بعد فیصلے کا اطلاق ہوگا ۔ 

نیپرا کی جانب سے بھیجی گئی دستاویز کے مطابق  بجلی کے بنیادی ٹیرف میں اوسط 53 پیسے اضافے کیا گیا ہے ، مختلف سیلز کیلئے بجلی 8 سے 95 پیسے تک فی یونٹ مہنگی کی گئی ہے جبکہ بجلی کے 100یونٹ استعمال تک8 پیسے فی یونٹ اضافہ کیا گیا ہے ۔

دستاویز کے مطابق  بجلی کے 101سے 200 یونٹ تک استعمال پر 18 پیسے فی یونٹ اضافہ کیا گیا ہے، بجلی کے201سے300 یونٹ استعمال پر 48 پیسے فی یونٹ جبکہ بجلی کے301سے700 یونٹ تک استعمال پر 95 پیسے فی یونٹ اضافے کی منظوری دے دی گئی ۔ 

بجلی کی قیمت میں اضافے کا اطلاق وفاقی حکومت کی منظوری سے ہوگا  ، نیپرا نے حکومتی پالیسی گائیڈ لائنز پر سماعت کے بعد فیصلہ جاری کیا ہے ،اس  اقدام کا مقصد پاور سیکٹر میں سبسڈی کا از سز نو تعین کرنا ہے۔ 

خیال رہے کہ 28 فروری کو وزیراعظم نے بجلی کی قیمت میں 5 روپے فی یونٹ کمی کا اعلان کیا تھا ۔