ملک بھر میں کورونا پابندیاں ختم ، نوٹی فکیشن جاری 

تفصیلات کے مطابق این سی او سی کی جانب سے جاری کردہ نوٹیفکیشن کے مطابق ویکسین شدہ افراد کے لیے ہر قسم کی کورونا پابندیاں ختم کردی گئی ہیں، پابندیوں کے خاتمے کا اطلاق فوری طور پر نافذ العمل ہوگا۔

نوٹیفکیشن میں کہا گیا ہے کہ لازمی ویکسین کی شرط برقرار رہے گی، صرف مکمل ویکسین شدہ افراد شادی تقریبات اور ڈائن ان کرسکیں گے۔ مکمل شدہ افراد ،سینماگھر ،مزرات ،دفاتر اور دیگر جگہوں پر جا سکتے ہیں  جبکہ ماسک پہنا کا عمل جاری رہے گا۔  

نوٹیفکیشن میں کہا گیا ہےکہ  مساجد اور عبادت گاہوں میں پری کوڈ ایس او پیز پر عمل درآمد کرنا ہو گا ۔

واضح رہے کہ گزشتہ روز وفاقی وزیر اور این سی او سی کے سربراہ اسد عمر نے این سی او سی اجلاس میں کورونا کی مجموعی صورتحال کا جائزہ لیا تھا اور ملک بھر میں عائد کورونا پابندیاں ختم کرنے کا اعلان کیا تھا۔ 

اسد عمر نے اپنے اعلان میں کہا تھا کہ ملک میں کورونا کیسز میں مسلسل کمی آ رہی ہے، 70 فیصد افراد کی مکمل ویکسینیشن ہوچکی ہے لہذاشادی، انڈور ڈائننگ سمیت مارکیٹوں میں عائد پابندیاں اٹھالی گئی ہیں۔