سندھ ہاوس کے اندر ہارس ٹریڈنگ چل رہی ہے:عمران اسماعیل

تفصیلات کے مطابق گورنر سندھ عمران اسماعیل کا کہنا تھا کہ عمران خان ایک غیرت مند وزیراعظم ہیں، وہ حملوں کو ویلکم نہیں کریں گے،عمران خان کی لڑائی صرف اپنی قوم کو خودمختار بنانے کیلئے ہے۔

انہوں نے کہا ہے کہ ہمارے پاس نمبرز پورے ہیں،ہمارے اتحادی حق اور سچ کا ساتھ دیں گے،بیرونی سازش کے تحت عمران خان کی حکومت کو ہٹانے کی کوشش کی جا رہی ہے۔

عمران اسماعیل کا کہنا تھا کہ عمران خان کے پاس 172 لوگوں کا نمبر پورا ہے ، سندھ ہاؤس میں ہارس ٹریڈنگ چل رہی ہے۔

گورنرسندھ کا کہنا تھا کہ سب کی فائلیں بن رہی ہیں، عمران خان کامیاب ہوکر باہر نکلے گا تو چھوڑے گا نہیں چن چن کر مارے گا۔

گورنرسندھ کا مزید کہنا تھا کہ سندھ ہاؤس میں اس وقت خریدو فروخت کا بازار لگا ہوا ہے، لوگ اپنے ضمیر کی قیمتیں لگارہے ہیں۔