کراچی : جھونپڑیوں میں آگ لگنے سے 5 بچے جاں بحق

تفصیلات کے مطابق کراچی کے علاقے شانتی نگر کی جھونپڑیوں میں خوفناک آگ بھڑک اُٹھی،  جس کے نتیجے میں 5 بچے جان کی بازی ہار گئے ،  جاں بحق بچوں کی عمریں 4 سے 12 سال تک ہیں۔ 

آگ  میں جھلسنے والی  زخمی کمسن  بچی کو تشویش ناک حالت  میں سول اسپتال منتقل کیا گیا تاہم وہ جانبر نہ ہوسکی  ۔  جس کے بعد جاں بحق  ہونیوالے بچوں کی تعداد 5 ہوگئی۔   افسوس ناک واقعے میں  مرنے والوں میں دو بھائی اور دو  بہنیں شامل ہیں ، ۔

آگ  لگنے سے  5 جھونپڑیاں مکمل طور پر جل گئیں ، آگ کے وقت بچے جھونپڑیوں میں تھے جبکہ ان کے والدین کام پر گئے ہوئے تھے۔

پولیس کے مطابق فائر بریگیڈ کے 2 ٹینڈرز نے آگ پر قابو پایا ، پولیس  کا کہنا ہے  کہ آگ لگنے کا واقعہ شارٹ سرکٹ کے باعث پیش آیا۔