چوہدری سالک حسین نے پارٹی اور خاندان میں اختلافات کی خبروں کی تردید کردی

چوہدری سالک حسین کا کہنا تھا کہ  ہماری جماعت اور فیملی میں کوئی پھوٹ نہیں ہے اور مسلم لیگ ق میں  اختلافات سے متعلق خبروں میں بھی کوئی صداقت نہیں ہے۔

دوسری جانب چوہدری مونس الٰہی کا بھی  کہنا ہےکہ طارق بشیر چیمہ کو منالیں گے، طارق بشیر چیمہ پارٹی کے ساتھ ہی رہیں گے۔

یاد رہےکہ چوہدری پرویز الٰہی نے تحریک انصاف کی جانب سے وزارت اعلیٰ پنجاب کی پیشکش منظور کرلی ہے جس کی تصدیق مونس الٰہی نے بھی کردی ہے۔

ادھر  ق لیگ کے وفاقی وزیر طارق بشیر چیمہ نے وزرات سے استعفیٰ دے دیا ہے اور اطلاعات  ہیں کہ ان کی جانب سے استعفیٰ چوہدری شجاعت حسین کی منظوری کے بعد دیا گیا ہے جس کے بعد افواہیں سامنے آرہی ہیں کہ  چوہدری برادران میں اختلافات پیدا ہوگئے ہیں۔