وزیراعظم کے فیصلے سے ن لیگ کی پنجاب میں تمام امیدیں دم توڑ گئیں: ہاشم ڈوگر

ذرائع کے مطابق صوبائی وزیر برائے پاپولیشن ویلفیئر نے کہا ہے کہ وزیراعظم کے فیصلے سے ن لیگ کی صوبہ پنجاب میں تمام امیدیں دم توڑ گئی ہیں۔

ذرائع کا کہنا ہے کہ پنجاب کے صوبائی وزیر لیفٹیننٹ کرنل (ریٹائرڈ) ہاشم ڈوگر نے دعویٰ کیا ہے کہ صوبے میں پی ٹی آئی کی مستحکم حکومت وجود میں آئے گی۔

دوسری جانب جہانگیر ترین گروپ نے بھی چودھری پرویز الٰہی کو وزارت اعلیٰ کے لیے مناسب امیدوار قرار دے دیا ہے۔

مستعفی وزیراعلیٰ پنجاب عثمان بزدار کے مشیر برائے لائیو اسٹاک کی حیثیت سے کام کرنے والے فیصل حیات جبوانہ نے کہا ہے کہ چودھری پرویز الٰہی کے ساتھ کام کیا جا سکتا ہے لیکن حتمی فیصلہ جہانگیر ترین ہی کریں گے۔