ہیٹی : طیارہ گر کر تباہ ،6 افراد ہلاک 

تفصیلات کے مطابق  ہیٹی میں ایک چھوٹا  طیارہ  گنجان آباد علاقے  میں  گر کر تباہ ہوگیا ، حادثے میں پائلٹ سمیت 6 افراد ہلاک ہو گئے۔ طیارے  نے پورٹ اوپرنس ہوائی اڈے سے سہ پہر 3:44 پر اڑان بھری تھی ، ایوی ایشن  اتھارٹی کے مطابق  4 بجے کے قریب  طیارہ  کے انجن میں خرابی  واقع ہوئی جو کہ حادثے کی وجہ بنی ۔ 

وزیر اعظم ایریل ہنری نے  ہلاکتوں یا زخمیوں کی تعداد بتائے بغیر ٹویٹر پر متاثرین کے خاندانوں سے ہمدردی کا اظہار کیا۔ 

کمیون کے میئر جوڈ ایڈورڈ پیئر نے چھ افراد کے ہلاک ہونے کی تصدیق کردی ۔ ایک سرکاری ذرائع نے بتایا کہ پائلٹ کی موت ہسپتال لے جانے کے بعد ہوئی۔

سوشل میڈیا پر زیرگردش   ویڈیوز میں سڑک کے بیچوں بیچ طیارے کا ٹوٹا ہوا ملبہ دکھایا گیا ہے اور اس کے ساتھ حادثے کے متاثرین کی لاشیں بھی دکھائی دے رہی تھیں۔