مریم نواز نے عمرے پر جانے کی اجازت کیلئے لاہورہائیکورٹ سے رجوع کر لیا

تفصیلات کے مطابق لاہور ہائی کورٹ کے جسٹس شہباز علی رضوی اور جسٹس انوار الحق پنوں پر مشتمل 2 رکنی  بنچ مریم نواز کی درخواست پر آج سماعت کرے گا۔

عدالت میں دائر کی گئی درخواست میں مریم نواز نے مؤقف اختیار کیا ہے کہ عدالتی حکم پر پاسپورٹ سرینڈر کر رکھا ہے۔

مریم نواز نے اپنی درخواست میں کہا کہ میں عمرے کی ادائیگی کے لیے سعودی عرب جانا چاہتی ہوں ۔ درخواست میں ن لیگی رہنما نے استدعا کی ہے کہ عمرے کی ادائیگی کے لیے جانے کی اجازت دی جائے۔

واضح رہے کہ لاہور ہائی کورٹ نے چوہدری شوگر ملز کیس میں مریم نواز کو پاسپورٹ سرینڈر کرنے کا حکم دیا تھا۔