عدالت نے پی ٹی آئی کو F-9پارک میں لاہور جلسہ دکھانےکی اجازت دے دی

اسلام آباد ہائی کورٹ نے پاکستان تحریک انصاف (پی ٹی آئی) کو فاطمہ جناح پارک (ایف نائن پارک) میں جلسےکی اجازت دینےکا حکم دے دیا۔ تحریک انصاف نے ایف نائن پارک میں جلسےکی اجازت نہ ملنے پر عدالت سے ر جوع کیا تھا۔

پی ٹی آئی اسلام آبادکے صدر علی نواز اعوان نے اسلام آباد ہائی کورٹ میں دائر درخواست  میں وزارت داخلہ، ڈپٹی کمشنر اور آئی جی اسلام آباد کو فریق بنایا تھا، درخواست میں استدعا کی گئی کہ پارک میں اسکرین پرلاہور جلسہ دکھانےکی اجازت دی جائے اور لاہور میں جلسے کی بڑی اسکرین پر لائیو براڈ کاسٹ کی اجازت دی جائے۔

ایڈیشنل ڈپٹی کمشنر جنرل رانا وقاص اسلام آبادہائی کورٹ میں پیش ہوئے تو عدالت نے استفسار کیا کہ یہ پرامن جلسہ کرنا چاہتے ہیں اس میں حرج کیا ہے؟

رانا وقاص نےکہا کہ یہ 4 سے 6 ہفتے مانگ رہے ہیں،اس طرح ایف نائن پارک میں اجازت نہیں دے سکتے۔

چیف جسٹس اطہرمن اللہ نےرانا وقاص سے مکالمے میں کہا کہ یہ آج کی اجازت مانگ رہے ہیں وہ آپ دے سکتے ہیں، ضلعی انتظامیہ مناسب پابندیاں لگا سکتی ہے۔

چیف جسٹس نے پی ٹی آئی کی درخواست انتظامیہ کو جلسے کی اجازت دینے کی ہدایت کے ساتھ نمٹادی۔