وفاقی بیوروکریسی میں بڑے پیمانے پر تقرر و تبادلے

تفصیلات کے مطابق اسٹیبلشمنٹ ڈویژن نے وفاقی بیورو کریسی میں 9 سیکشن افسروں تقرر و تبادلوں کے نوٹیفکیشن جاری کر دیے ہیں

تقرری کی منتظر اقصیٰ منیر کو سیکشن افسر کابینہ ڈویژن تعینات کر دیا گیا، اسی طرح سیکشن افسر اویکیو ٹرسٹ پراپرٹی بورڈ رُشنا فواد کا تبادلہ موسمیاتی تبدیلی ڈویژن میں کر دیا گیا ہے۔

میڈیا ذرائع کے مطابق تقرری کے منتظر جاوید اقبال سیکشن افسر بحری امورڈویژن تعینات جبکہ مدیحہ اشرف کو سیکشن افسر بحری امور ڈویژن تعینات کیا گیا ہے۔

تقرری کے منتظر منیر احمد سیکشن افسر انسانی حقوق ڈویژن میں تعیناتی کی گئی ہے جبکہ ماجد عباس مواصلات ڈویژن سے سیکشن افسر دفاعی پیداوار ڈویژن تعینات ہوئے ہیں۔

فرید سلطان کو دفاعی پیداوار ڈویژن سے سیکشن افسر مواصلات ڈویژن تعینات کیا گیا ہے جبکہ تقرری کے منتظر عدیل رضا کو سیکشن افسر وفاقی تعلیم ڈویژن تعینات کیا گیا ہے۔

تقرری کے منتظر محمد علی سانگی کو سیکشن افسر خزانہ ڈویژن تعینات کیا گیا ہے، تمام سیکشن افسروں کا تعلق آفس مینجمنٹ گروپ سے ہے۔