بلاول بھٹو کی نوازشریف سے لندن میں ہونے والی ملاقات کا اعلامیہ جاری

اعلامیے کے مطابق دونوں رہنماؤں کے درمیان ہونے والی ملاقات میں جمہوریت، قانون کی حکمرانی اور پارلیمنٹ کی بالادستی پرتبادلہ خیال کیا گیا۔ ملاقات میں اس بات پر اتفاق کیا گیا کہ جب بھی سیاسی جماعتوں نے مل کرکام کیا بڑی کامیابی حاصل کی، تمام جمہوری قوتوں میں اتفاق رائے سے مستقبل کے لیے وسیع روڈ میپ پر بات چیت کی گئی۔

جاری اعلامیہ کے مطابق دونوں رہنماؤں نے مشترکہ اہداف اور موجودہ معاشی صورت حال کو تبدیل کرنے پرتوجہ مرکوز کرنے سے متعلق بات کی۔ کہا گیا کہ تحریک انصاف کی حکومت کی نااہلی اور تباہ کن معاشی بدانتظامی کا بہت نقصان اٹھا چکے ہیں، مسائل کے فوری حل کی ضرورت ہے۔

اعلامیے کے مطابق آئندہ کی حکمت کے لیے اعلیٰ سطحی اجلاس بلانے کی ضرورت پر بات کی گئی، علاوہ ازیں میثاق جمہوریت کے تحت نامکل کام کو مکمل کرنے پر بھی بات کی گئی۔

خیال رہے کہ چیئرمین پیپلز پارٹی بلاول بھٹو زردای کو حکومت سے کچھ تحفظات تھے جن کو دور کرنے کے لیے وہ نواز شریف سے ملاقات کے لیے لندن گئے۔ ساس موقع پر بلاول بھٹو کی رہنمائی کے لیے دیگر پارٹی رہنما قمر زمان کائرہ، نوید قمر اور شیری رحمان بھی ان کے ہمراہ لندن میں موجود تھے۔