لاہور میں غیر اعلانیہ لوڈ شیڈنگ کادورانیہ بڑھنے لگا

تفصیلات کے مطابق لاہور میں بجلی کی غیر اعلانیہ لوڈ شیڈنگ میں اضافہ ہوا ہے جس میں 4 سے5 گھنٹے بجلی بند رہنا معمول بن گیا ہے، ماہ رمضان میں لوڈ شیڈنگ کی وجہ سے شہریوں کا گرمی میں برا حال ہے۔

میڈیا ذرائع کے مطابق پاور سنٹر نے لیسکو کا کوٹہ کم کر دیا ہے، شارٹ فال 500 میگاواٹ تک پہنچ گیا، گرڈ سٹیشن فورسڈ بندش کر کے شارٹ فال پورا کیا جا رہا ہے، اکثر پاور پلانٹس تیل گیس کی کمی کی وجہ سے بند ہیں۔

شہر میں لوڈشیڈنگ کا دورانیہ 4 سے 5 گھنٹے ہوگیا جبکہ دیہاتوں میں بھی لوڈشیڈنگ کی صورت حال ابتر ہے جہاں دورانیہ 8سے 10  گھنٹے ہوگیا۔